Gasteizko Vital Fundazioa Zuzenak taldea Lehenengo Mailan lehiatuko da berriro, aurreko denboraldian ere maila horretan jokatu baitzuen, eta bosgarren postuan amaitu zuen, Ohorezko Mailara igotzeko play offean sartzeko garaipen bakarrera. Kirol proiektu horrek Vital Fundazioa du babesle nagusi, eta Arabako Foru Aldundiaren, Gasteizko Udalaren eta beste babesle pribatu batzuen laguntza ere badu.
