Lurraldeko kuadrilletako udalerrietan aritu ondoren, Etxe Berdeak Gasteizera itzuli da. Vital Fundazioaren hezkuntza-ekimen honek 35 familia gasteiztarrekin egingo du lan urte honetan zehar – hainbat etxebizitza motatan bizi direnak (pisuak eta etxe bakarrak), hainbat tamaina, berokuntza-sistemak eta abar dutenak –, eta horiekin batera, etxeko kudeaketa arduratsuago baterantz aldatzeko prozesuan parte hartuko du. Etxeko ur eta energia kontsumoaren autokontrola erakutsiko die, baita etxeko eguneroko ohituretan neurri eta portaera aurreztaileak sartzen ere.
