Vitoria-Gasteiz, 2024ko irailak 5.- Arabako txoko guztietara kultura eramateko Vital Fundazioak duen ‘Vital Araban zehar’ ekimenaren XX. edizioak oso abuztu bizia izan du, baina iraileko lehenengo asteburuak nabarmen gaindituko du. Bihartik igandera bitartean Agurainen, Legution, Duranan, Aramaion, Elgean, Lantziegon, Faidon, Añuan, Markinezen, Argantzunen, Artziniegan, Bergantzun eta Kripanen orotara egingo diren hamahiru emanaldiek batzuen errutinarako itzulera eta beste batzuen uda arinduko dute.
