‘Vital Araban zehar’ kultura Lurraldeko txoko guztietara eramateko Vital Fundazioaren ekimenak ez du atsedenik hartuko abuztuan. Herriko jaiak herri ugaritan zehar zabaltzen dira eta ‘Vital Araban zehar' programak kontzertuak eta antzerki emanaldiak eskainiko ditu hilaren 12tik 27ra zortzi herritan: Eskuernaga, Villanañe, Guardia, Lantziego, Amurrio, Turiso, Olabarri eta Arminon.
