Vital Fundazioaren Arte Vital Lehiaketaren aurtengo deialdia hilaren 30era arte egongo da lanak aurkezteko zabalik, eta jarduera paraleloen programari ere ekingo zaio. Ostegun honetan, 19:30ean, Vital Fundazioa Kulturunean (Bakea kalea 5, Dendarabako 1. solairua), mahai-inguru bat egingo da aurreko edizioko irabazleekin. ZAS Kultur-en laguntzarekin, Alejandra Buenok, Natalia Albenizek, Jesús Ramírezek eta Zirikak, Rubén Díaz de Corcuera artista eta idazleak moderatuta, beren lanaren prozesuari buruzko hausnarketa egingo dute. Sarrera librea da edukiera bete arte.
