Kontalaritza eskola. Ahozko narrazio ikuskizunak.Prestakuntza

Kontalaritza Eskolaren proiektua ildo horretan lan egiteko sortu zen. “Kontalaritza istorioak kontatzeko, komunikatzeko eta adierazteko artea da. Ofizio bat da, egitura, arau, tresna eta lengoaia propioak dituena, eta horrek prestakuntza espezifiko bat eskatzen du” azaldu dute. Helburu horiek aintzat hartuta, eskolak, lehenik eta behin, narratzaileak prestatuko ditu. Beste arte eszeniko batzuekin bat datozen jakintzagaiak landuko dira, hala nola espazio eszenikoaren erabilera eta gorputzaren ezagutza; norberaren ahots narratiboa eta estiloa aurkitzea; edo adierazpen-teknikak ezagutzea: ebokazioa, entzutea, komunikazioa eta transmisioa, besteak beste.

Gainera, lanbidearen berezko gaia ondo ezagutu behar da: arketipoak, mitoak, kondairak, ipuinak, literatura: ipuinen esanahi sinbolikoa, egiturak eta abar. Behin ezagutza eta entrenamendua eskuratuta, kontakizunaren sorkuntza bera landuko da, ikuskizun bat eszenaratzeko beharrezkoa den dramaturgia eraikitzeraino.