Vital Fundazioaren Astearte Musikaletan Cor Boskotea arituko da bihar. Honako hauek ditugu taldekideak: Sofia Moya eta Alba Compte, biolin-jotzaileak; Claudia Vidal, biola-jotzailea; José Antonio Oliva, biolontxelo-jotzailea; eta Samuel Arroyo, piano-jotzailea. Wolfang Amadeus Mozarten eta Antonin Dvořák-en obrak interpretatuko dituzte Vital Fundazioa Kulturunean (Bakea kalea 5, Dendarabako 1. solairua) 19:30etik aurrera.
