Vital Fundazioaren egoitzan, Kordoi Etxean (Aiztogile kalea 24, Gasteiz), ‘Irudika’ Ilustrazioaren Nazioarteko Topaketa Profesionalaren egonaldi artistikoetan egindako lana erakutsiko da datorren ekainaren 10era arte. Ikusgai dauden lanak Dani Scharf eta Blanca A. Izuzquizarenak dira, eta joan den martxoaren 1etik aurrera ekoitzi dira, Angoulemeko Citè Internationale de la Bande Dessinée-n, Zapopan-eko Egilearen Etxean eta Bilbaoarte Fundazioan izan diren bitartean.
