Vital Fundazioak eta Midnight Boogie Kultur Elkarteak "Midnight Boogie Weekend" jaialdia antolatzen dute, Arabako hiriburuan estilo horretaz gozatzeko aukera handirik ez duten soul musikazaleak biltzen dituen jaialdia.
Informazioa
Mujer Negra Canta (Bartzelona)
Bartzelonako "Nación Funk" faktoriaren beste proiektu bat, Tony Manero Fundazioko Lalo López gitarra-jotzailea buru dela. Mujer Negra Canta-k Brigitte Emaga du buru, ahotsean, Joan Vigok kontrabaxuan eta Lalo Lopezek gitarran lagunduta. XX. mendearen lehen erdian zehar Blues, Jazz, R&B eta Soularen eraikuntzan eta hedapenean emakume afroamerikarrek izan zuten paper nagusia aldarrikatzen du.
Emakume indartsuak, ahaldunduak eta borrokalariak, testuinguru eta egoera guztiz txarrean, beren larru-koloreagatik diskriminatzen zituen gizarte bati aurre egin ziotenak, bai eta ikuskizun-industriari ere, emakume izateagatik gutxiesten zituelako. Beren lana eta bizitza eredu izan ziren emakume askorentzat, beren eguneroko esperientzia abestietan islatuta ikusi baitzuten eta inspirazioa aurkitu.
Paul San Martin Trio (Donosti-Frantzia)
Stay Blues taldearekin egin zuen lehenengo lanetik eta Tracks lehenengo diskotik, Paul's Moodetik igarota, azkenik A French Session-era iritsi zen arte, Paul San Martín (Pianoa eta Ahotsa), oro har musika beltzaren eta bereziki bluesaren garrantzia ezagutzen duten prestakuntza handiko musikarien talde horretako kide da.
Urteen poderioz eta oso ohikoa ez den maisutasunez, San Martinek musika tradizio hori sakondu, ikertu eta landu du. Garrantzi handiko artistekin kolaboratu du, besteak beste, Nico Wayne Toussaint, Otis Grand, Gerry Hundt, Lluís Coloma, James Armstrong, Ñaco Goñi, Slam Allen, Chris Ruest edo Bluesaren kondaira mitikoa den Billy Boy Arnold artistekin. Bere ohiko musikari frantsesak ditu lagun: Abdell B.Bop kontrabaxuan eta Romain Gratalon baterian.
Sarrerak
Sarrerak 12€tan eskura dairezke hurrengo inprimakian edo Vital Fundazioaren egoitzan (Aiztogile 24):
