ITXAROPENA (Ikusmen-urritasuna duten Arabako Pertsonen Elkartea)Elkarte sozial eta komunitarioentzako laguntza

Itxaropena Elkartea irabazi-asmorik gabeko erakundea da, 1980an sortua, ikusmen-arazo larriak zituzten beren seme-alaba txikiak ONCEk Madrilen, Alacanten edo Valentzian zituen berariazko ikastetxeetara ikastera joan behar ez izatea nahi zuten guraso-talde batek sortua, horrek familiaren deserrotzea zekarrelako, urtean bitan besterik ez zituzten ikusten eta. Ikusmen-desgaitasun larria - %33tik aurrera- duten pertsonak familia-, gizarte-, eskola- eta lan-mailan integratzea sustatzen dute, ikusmen-desgaitasuna duten pertsonak dituzten familiei edo desgaitasun horren eraginpean dauden norbanakoei arrea emanez.

Eskaintzen dituzten zerbitzuen artean honako hauek nabarmentzen dira: Ebaluazio Zerbitzua; Informazio Zerbitzua (eguneroko bizitzarako autonomia pertsonalari buruzko, lan-merkatuan sartzeari buruzkoa eta hezkuntza- eta kirol-arloari buruzkoa, Goalball kirol-modalitate paralinpikoaren praktika sustatuz); Orientazio Zerbitzua arlo guztietan: pertsonala, familiarra, soziala, eskolakoa eta lanekoa, laguntza psikosozialarekin. Lana bilatzeko programa bat garatzen dute Arabako Foru Aldundiarekin batera.

Halaber, itsuentzako edo ikusmen baxuko pertsonentzako teknologiei eta laguntza-gailuei buruzko informazioa eta eskuliburuak aurkitzeko web-baliabide batzuk eskaintzen dituzte.