BerdinTeach: Etorkizuneko STEAM liderrak inspiratzenHezkuntza programak

Genero-berdintasuna eta emakumeen ahalduntzea gero eta lehentasunezkoagoak diren mundu honetan, funtsezkoa da hainbat eremutan, hezkuntzan eta lanbide-munduan barne, dauden genero-desberdintasunei heltzea. Azken hamarkadetan aurrerapenak lortu diren arren, emakumeek oztopoak dituzte oraindik garapenerako eta lidergorako aukerak lortzeko.

Sei tailer (ordubeteko iraupena izango du bakoitzak), sei ikastetxeri zuzenduta (3 gela ikastetxe bakoitzeko). Tailer bakoitzak lanbide-eremu batean erreferente den emakume baten parte-hartzea izango du.

1. Emakume erreferenteak identifikatzea: Arabako Industria eta Teknologiako STEM arlo profesionaletan nabarmendutako emakumeak ikertu eta hautatuko ditugu, gure ekimenetan parte hartzeko.
2. Ikastetxeekin eta unibertsitateekin lankidetzan aritzea.
3. Hitzaldiak eta tailerrak antolatzea, emakume erreferenteek beren esperientziak partekatzeko eta ikasleei orientazioa emateko.