ArabartxiboOndarea
Vital Fundazioak Arabako ahozko memoriaren transmisioa eta kontserbazioa bermatzeko abian jarritako proiektua da Arabartxibo bizipen horiek herrietako ohiturak, tokiko hiztegia, barne-historia eta imajinario kolektiboa azaltzen dituzte. Lurraldeko kuadrillen eta udalerrien laguntzaz, gordailu digital honetan hautatutako hainbat adinekoren testigantzak jaso dira. Arabako azken ehun urteetako bilakaerarekin lotutako oroitzapenak izan dira pertsona horiek egin duten ekarpena. Grabazioek gure herrien eta biztanleen XX. mendeko erretratu bat eratu dute, benetako altxorra, historian aldaketa gehien bizi izan dituen belaunaldietako bat ezagutzeko aukera emango duena.
Informazioa
Arabako herrien XX. mendeko ahozko memoria zaintzea da helburua. Orain arte bildutako guztiarekin Arabartxibo sortu da, grabazio guztiak bildu dituen eta bilduko dituen biltegi digitala. Orain arte 60 ordu baino gehiago daude aztertu, indexatu eta gaikako sekuentzia txikietan banatuta. Hitz gakoetarako bilatzailea, pertsonen, herrien eta gaien arabera banatuta, modu arinean nabigatzeko eta hautatutako edukietara sartzeko aukera ematen duena.
