2024an, Vital Fundazioak urtero antolatzen duen ZINEMASTEAREN berrogeigarren edizioak benetako iraultza ekarri zuen dagoeneko finkatuta zegoen Euskal Zinemaren Astera, eta aldaketa horiek geratzeko etorri ziren, hala nola jatorrizko izena berreskuratzea, film luzeak baino ez ematea eta jaialdiaren iraupena luzatzea. Oraingoan, urtarrilera aurreratu da hitzordua, urtarrilaren 24tik 31ra izango da, eta emanaldiak ohiko eszenatokian izango dira, hau da, Vital Fundazioa Kulturunean (Bakea kalea 5, Dendarabako 1. solairua, Gasteiz). Amaiera ekitaldia eta sari banaketa otsailaren 1ean egingo dira, Gasteizko Europa Jauregian.
